«ԵՆԲ վարկեր ՓՄՁ-ների համար» ծրագրի շրջանակում, Հայաստանի բոլոր մարզերում վերջնական շահառուների համար անցկացվում են թեմատիկ դասընթացներ և աշխատաժողովներ՝ վերապատրաստելով ՓՄՁ-ներին գործարարության հմտությունների բարելավման ուղղությամբ: Ի թիվս այլ գործողությունների, ծրագրի շրջանակում իրականացվում են նաև միջոցառումներ և զարգացման քաղաքականությանն ուղղված քննարկումներ, ինչպիսիք են կլոր սեղանները` կառավարության, արդյունաբերության, ֆինանսների և սպասարկման ոլորտի շահագրգիռ կողմերի, բիզնես ասոցիացիաների, հասարակական հետազոտական կենտրոնների և կազմակերպությունների մասնակցությամբ:
Այդ դասընթացներն ու միջոցառումները կարելի է ամփոփել հետևյալ կերպ.
- Կանանց տնտեսական հզորացման սեմինարներ
- Զբոսաշրջության ոլորտում գործող ՓՄՁ-ների համար դասընթացներ
- Առաջնային գյուղատնտեսությամբ զբաղված ՓՄՁ-ների ուսուցում
- Գյուղ. վերամշակմամբ զբաղվող ՓՄՁ-ների համար աշխատաժողովներ
- Աշխատաժողովներ արտահանմանն ուղղված արտադրություն իրականացնող ՓՄՁ-ների համար, ներառյալ գյուղ. վերամշակում
- Կլոր սեղան քննարկում համապատասխան շահառուների մասնակցությամբ:
Եթե հետաքրքված եք մասնակցելու միջոցառումներին կամ ցանկանում եք ստանալ առավել մանրամասն տեղեկություններ, խնդրում ենք կապվել մեզ հետ
|
|
|
|
|
|
