Գիտելիքների փոխանակման և համագործակցության նպատակն է գյուղատնտեսության և զբոսաշրջության ֆինանսավորման ոլորտում ֆինանսական կազմակերպությունների ինստիտուցիոնալ կարողությունների ամրապնդումը, գյուղատնտեսական ներդրումների շրջակա միջավայրի և կլիմայի ռիսկերը գնահատելու ունակությունների բարելավումը և ԳՀՀ-ին, որպես ծրագրի կառավարման մարմին, աջակցության տրամադրումն է՝ մոնիթորինգի անցկացման և ԵՆԲ-ին հաշվետվողականության գործընթացում՝ ապահովելով ենթածրագրերի իրականացման համապատասխանությունը ԵՆԲ չափանիշներին:
Այս գործողությունները ներառում են՝
- վարկավորման տեխնոլոգիաների, քաղաքականության և ընթացակարգերի բարելավում
- նպատակային վարկային պրոդուկտների մշակում
- կազմակերպական կառուցվածքի օպտիմալացում
- վարկավորման արդյունավետության բարձրացում
- շրջակա միջավայրի և կլիմայի ռիսկերի գնահատման իրականացում
- կառավարման տեղեկատվական համակարգերի, գնումների և համապատասխանության ընթացակարգերի վերաբերյալ աջակցության տրամադրում
- վերապատրաստում և կարողությունների զարգացում
- մասնագիտացված վարկավորման և ուսումնական ձեռնարկների մշակում
- մարքեթինգ և առաջխաղացում
- ԵՆԲ ենթածրագրերի մոնիթորինգ:
Մինչ օրս 17 ֆինանսական կազմակերպություններից ավելի քան 600 բանկային աշխատակիցներ օգտվել են տարբեր վերապատրաստման դասընթացներից, ինչպիսիք են պարբերաբար կազմակերպվող մեկ կամ երկօրյա սեմինարները, ինչպես նաև աշխատանքային ուսուցումը: